Worship in Action(WAA) yatanze ingabire ku bana bagendana ubumuga bwo kutumva biga kwishure ry’akarorero mu Cibitoke

Worship in Action(WAA) yatanze ingabire ku bana bagendana ubumuga bwo kutumva biga kwishure ry’akarorero mu Cibitoke

Ishure rya karorero(Ecole d’Excellence) ryo mu Rugombo risanzwe ryakira abana bafise ubumuga bwo kutumva, ryararonkejwe ingabire igizwe n’imboneshakure (Ecran plat ou télévision) n’imipira yo gukina; n’ishirahamwe Worship in Action ku wa kabiri, igenekerezo rya 12 Munyonyo 2025 muri Rugombo komine ya Cibitoke.

Ivyo bikorwa vya tangujwe n’umupira w’amaguru wa kivandimwe, hagati yabo banyeshure bafise ubumuga bwo kutumva n’abanyeshure bo kwishure ry’isumbuye Ecofo Karurama I. Agashimwe k’igikombe n’akabahasha k’amafaranga nivyo vyatanzwe n’umugwi Worship in Action.

Umwana agendana ubumuga bwo kutumva n’umwana nk’abandi

David Ndayizeye umuyobozi wa Worship in Action aramenyesha ko gufasha umwana agendana ubumuga bwo kutumva ari igikorwa c’Imana. Eka mbere no gufasha umwana uwariwe wese muri rusangi. Aravuga kandi ko ijambo ry’Imana dusanga muri Bibiliya  rivuga riti : ” Toza umwana indero akwiye kwamana, Azorinda asaza atarayivamwo.” Nkuko tubisoma mu Imigani 22: 6.

Ubumuga bw’umubiri si ubumuga bw’ubwenge. Ubwenge butangwa n’Imana kandi ntibufatanye n’ubumuga bwo kutumva. Kuri we ngo iyo ngabire batanze ni intambwe ikomeye mu gushigikira umwana agendana ubumuga bwo kutumva. Kw’iyumva ko nawe ari Umwana nk’abandi kandi afise uburenganzira bwo gushika ku ndoto ziwe no gushigikira mw’iterambere ryiwe n’iryigihugu.
Nkuko tubisanga kurubuga rwa Morning Burundi .

Nayo Sibomana Jéremie umuyobozi mukuru w’indero wa Rugombo muri komine ya Cibitoke, yashimye cane iyo ngabire . Ashimira cane n’umugwi wa Worship in Action k’umutima w’urukundo wagaragarije abo bana mukubaronsa iyo ngabire. Igiye kuzofasha abo bana mukumenya amakuru atandukanye avugwa hirya no hino, no kwiga ibitari bike mubijanye n’ubumenyi ndetse ikazofasha n’abarezi kwigisha muburyo bubereye kandi bugezweho.

“Abantu barakwiye guhindura ingene bafata abana canke abantu bagendana ubumuga bwo kutumva, bakamenyako ari abantu nk’abandi. Ni ivyaremwe vy’Imana. ” Bivugwa na Michel Ntahovyabaye Umuyobozi w’iryo shure. Kuko nabo bashoboye vyinshi kandi bafise ubwenge Imana yabahaye.

Abandanya agira ati “Ni Benshi tuzi unomunsi kw’isi ari abantu bakomeye kandi bagendana ubumuga bwo kutumva.”Nkuko tubisanga kurubuga rwa Morning Bujumbura.

Michel arangiza ahimiriza Abarundi cane cane abavyeyi, kwitwararika no kugaragariza urukundo abo bana, kwubahiriza agateka kabo no guhabwa ivya nkenegwa kandi bakirinda kubakumira.

Wabaye umunsi wa kanyamuneza ntangere kuri abo bana bagendana ubumuga bwo kutumva no kubari aho bose .