Mu ntumbero yo gukarihiriza ubumenyi abarongozi b’ishengero hamwe na bakozi b’ubutumwa bwiza , ishirahamwe Global Training Network( GTN) ryo mu gihugu ca Amerika (USA) rifadikanije n’ishengero Christian Life Missions (CLM) I Bujumbura, ryaratunganije inyigisho zidasanzwe zama ziba kabiri mu mwaka. Izo nyigisho zihabwa cane cane abataronse amahirwe yo kwiga amashure ya Bibiliya mu buryo buhanitse.
Aha iwacu mu Burundi, Izo nyigisho zimaze imyaka itatu ziriko ziratangwa . Uyu mwaka wa 2025 zabereye mu Bibanza biri ;
I Bujumbura ku cicaro gikuru c’ishengero CLM, kuva kuwa 8 Nyakanga /2025 gushika ku wa 12 Nyakanga2025.
Mu Rumonge, kuri NIYIBITURONSA Hotel, kuva ku wa15 Nyakanga 2025 gushika ku wa 19 Nyakanga 2025.
Pasteur Innocent, arashimira Imana nabo yaloresheje ngo Izo nyigisho zigere mu Rumonge. Abandanya avuga ati: ” kuva nize izi nyigisho ubwambere I Bujumbur, naciye ngira umutwara wuko zoshikira n’ abandi cane cane mu Rumonge”.
Bararonkejwe inyigisho zitandukanye zabafashije kumenya :
1.kubaho ubuzima buserukira ubutumwa bwiza Aho bari hose .
2.Guhanura abo barongoye mw’ ijambo ry’ Imana.
3.kuba abarongozi b’ Impwemu babushitse .
4.Gutahura inkuru nyamukuru ya Bibiliya n’ Intumbero rusangi y’ ivyanditswe vyera.
5.Gusobanura Bibiliya utayibeshera n’ivyizerwa Rukristo-nshimikiro.
Hamwe n’ ibindi bisa nivyo…
Hagati aho,Kuruhande rwa Global Training Network , Umwungere Chuckk Gerwig mu cigwa yatanze co Guserangura Bibiliya (hermeneutics,mu congereza ) ,avuga ko umusiguzi mwiza wa Bibiliya ari uwuyireka ikivugira , akirinda kuyivugisha ivyo itavuze. Abandanya avuga ko rimwe na rimwe abasiguzi bagerageza kuzana ivyiyumviro vyabo bivanye Nico bipfuza kuyagira ababumviriza , bigahera babesheye Bibiliya.Ariko kandi, avuga ko gusigura ijambo ry’ Imana ari kuvuga ivyo Imana yokwivugiye mu gishingo cayo .
Umwungere Steve Larson yateye intege izo ndongozi mu kuzisaba gushira mungiro ivyo bigishijwe mu kubisangiza abandi. Abivuga ashimikira cane cane kubo barongoye . Uwo mwungere avuga ko bakwiye kubishikiriza abandi mu bwizigirwa nk’uko Paulo abibwira umwana wiwe, basangiye ubusuku, Timoteyo mw’ ikeye rya kabiri yamwandikiye 2:2.
Nk’uko vyama biba , izo nyigisho zimara imyaka ibiri kuri buri mugwi w’abagomba kwiga, kabiri kabiri mu mwaka.Mu mwaka uza wa 2026 , umugwi uriko uraroswa izo nyigisho uzobandaya wiga.
Nk’uko bivugwa n’ Umwungere Oled (CLM- Burundi), intumbero nyenzina ya runo rukurikurane rw’inyigisho ni ugushikira abarongozi babikeneye gusumba abandi. hamwe nivyo,bipfuza gushika mu bibanza bitandukanye bigize igihugu c’uburundi .Ni muri iyo ntumbero , hategekanijwe kubandanya bakira nabandi bipfuza kuzig mu burere buzikeneye gusumba abandi.
