Umuririmvyi CARL GUSTAV BOBERG w’umunyaswede yavutse Ku wa 16 myandagaro 1859 monsterås, mu gihugu ca swede yari umwana wa Nils petter Boberg , umwubatsi ,n’umupfasoni Hedvig Gustava.
Yakuze arumwana akunda ivy’Imana n’umuziki cane yize amashure mato nayisumbuye , yarabaye umwarimu umwanditsi, ndetse n umunyeporitike.
Munyuma yaje kuba umushinga mateka mu gihugu ciwe ca suédois kuva 1912 gushika 1931 akora akazi kubu shingamateka
Inkomoko yo gusohora indirimbo « O store Gude » izwi mu KIRUNDI : Mwami Mana ndakuriririmbira uri nkuru /Mana uri nkuru yarose ihishurirwa ryiyo ndirimbo mu 1885, Boberg yari murugendo asubira muhira iwabo avuye mu makorani (mu materaniro) gusenga.
Haguye imvura y’igihuhusi iyo mvura yarimwo inkuba, umuyaga n’ivyuka bikaze canne, muruwo mwanya haciye haza ikirere kirimwo amahoro, izuba rica riracana (riraka), inyoni zica zitangura kuririmba, amashurwe yo mwishamba aratekana muruwo mwanya yaciye yumva amahoro y’Imana n’ukuntu ibikorwa vyayo ari ibihimbaye (ari vyiza ).
Niho yaciye yandika akiri murico kibanza nyene igitero c’indirimbo kivuga ubukuru bw’Imana « O Store Gud », bisobanura « oh Mana uri nkuru /urahambaye /uri gihangange « iyo ndirimbo Ikaba yaciye isohoka mu 1886 mu kinyamakuru Mönsteräs Tidningen mu 1891, indirimbo ica irasohoka mugitabo c’indirimbo zo guhimbaza Imana (Hymnes/cantiques).
Iyo ndirimbo Ikaba yandistwe mugi swede, ikwiragira kw’isi, irahindurwa no muzindi ndimi : IKIRUSIYA, ICONGEREZA, IGIFARASA n’izindi ndimi nyishi, umumisiyonari w’umwongereza yitwa Stuart k.Hine niwe yaciye ayihindura mucongereza (mu 1949) yaramenyekanye canne mu bikorane via Billy Graham, iririmbwa na George Beverly karité.
Iyo ndirimbo akaba arimwe mundirimbo zikundwa cane mu masengero yo kw’isi iriko ikora igikorwa gikomeye co kwibutsa ubukuru bw’Imana abantu, Carl Gustav Boberg yaje gupfa Ku wa 7 nzero 1940 i kalmar muri swede (ku myaka 81).
